Apple Tree Family House(ECO) Հանգստյան Տուն
№ 70889
Հեռ.՝ +37493352683
Գին՝ 25000 AMD
Տեղեկություն
Մեր հյուրատունը՝ Apple Tree Family House ECO-ն գտնվում է Հայաստանի հանրապետության ամենահամեղ, ամենախելացի, ամենահյուրընկալ, յուրովի գեղեցիկ և պատմամշակութային կոթողներով հարուստ Շիրակի մարզում: Հյուրատան տեղորոշումը Անի համայնքի Ձորակապ գյուղում է, որը բացի իր հիասքանչ բնակիչներից ունի նաև գերազանց աշխարհագրական դիրք, գտնվում է Երևան-Գյումրի հանրապետական նշանակության Մ1 հյուսիս-հարավ ճանապարհահատվածի անմիջապես հարևանությամբ, երկարաձիգ գեղեցկագույն սարի լանջին: Քաղաքային աղմուկից կտրված, որտեղ բնության այդ փոքրիկ անկյունում ամեն ինչ բացառապես էկոլոգիապես մաքուր է ու խնամված: Մեր հյուրատունը իրենից ներկայացնում է գյուղական կոլորիտի մեջ ամփոփված և արդիական չափանիշներին համահունչ ամբողջական համալիր, որը գտմվում է ամբողջովին պարսպապատված 4000քմ մրգատու (մոտ 500 մրգատու ծառերով շրջապատված)այգում, որն էլ իր հերթին անկրկնելի բնության դրախտային միջավայրն է ապահովում: Հյուրատունը բաղկացած է թվով 5 առանձին ընտանեկան ապարտամենտներից յուրաքանչյուրը առանձին մուտքերով՝ 2 անձի համար նախատեսված, 4 անձի համար նախատեսված, 6+2 անձի համար նախատեսված, 8+2 անձի համար նախատեսված և 12+2 անձի համար նախատեսված: Յուրաքանչյուր ապարտամենտ իր մեջ ներառում է ըստ անձերի քանակների ննջարաններ, հյուրասրահ, սանհանգույց՝ ապահովված անհրաժեշտ բոլոր պարագաներով, և խոհանոց նույնպես ապահովված ըստ անձերի քանակների անհրաժեշտ բոլոր իրերով և պարագաներով, անվճար ինտերնետ կապ և թվային հեռուստացույցներ: Յուրաքանչյուր ապարտամենտի թ՛ե ներքին, թ՛ե արտաքին ձևավորմանը ցուցաբերվել են անհատական ինքնատիպ,չկրկնվող, յուրահատուկ մոտեցումներ, որոնք ջերմ և ողջունող են: Հյուրատան դրախտային բակում ունենք երկու լողավազններ՝ մեծերի և երեխաների համար նախատեսված, յուրօրինակ լուծումներվ կառուցված տաղավարներ, այգու տարբեր հատվածներում զետեղված ճոճանակներ, գամակներ, ընթերցասեղաններ, թեյասեղաններ և մանկական խաղանկյուն: Մեր հյուրտունը ունի նաև խաղասրահ, 4 ավտոմեքենայի համար նախատեսված ավտոտնակ և իր մեջ գործող Apple Tree Eco Food բացառապես էկոլոգիապես մաքուր գյուղական սննունդով պատրաստված ճաշկերույթի համար նախատեսված հնաոճ իրերի համատեղությամբ ձևաորված սրահ, գրադարան որտեղ պարբերաբար իրականացվում են նաև վարպետաց դասեր:
Մեր հյուրատունը մատուցում է հետևյալ ծառայությունները՝
1.Ընտանեկան ապարտամենտների տրամադրում, 2 անձի համար նախատեսված 15.000դրամ, 4 անձի համար նախատեսված 20.000դրամ, 6+2 անձի համար նախատեսված 30.000դրամ, 8+2 անձի համար նախատեսված 40.000դրամ և 12+2 անձի համար նախատեսված 50.000դրամ որոնց գները իրենց մեջ ներառում են
Ա. Գիշերակաց,
Բ. Բացառապես գյուղական բնամթերքով պատրաստված նախաճաշ, ըստ հյուրընկալվողի նախասիրության,
Գ. Լողավազաններից, տաղավարներից, ճոճանակներց, գամակներից, ընթերցասեղաններից և թեյասեղաններից անսահման օգտվելու հնարավորություն,
Դ. Խաղասրահից անսահման օգտվել,
Ե. Ավտոտնակ, WI-FI,
Զ. Այգուց և բանջարանոցից անսահման օգտվել,
Է. Պատմամշակույթային վայրերի տեղորոշման տրամադրում,
Ը. Ընտանեկան ջերմ վերաբերմունք,
Թ. Գրադարանից օգտվել:

2. Գյուղական Ճաշկերույթի հյուրասիրում՝ գները ըստ փաթեթների, որոնք իրենց մեջ ներառում են

Փաթեթ1 Պանրխաշ (2500դրամ - 1 անձի համար)
1.Պանրխաշի պատրաստման արարողակարգ
2. Գյուղական թոնրի լավաշ
3.Գյուղական անարատ չեչիլ պանիր
4.Էկոլոգիապես մաքուր տնական յուղ
5.Կարմրեցրած սոխ
6.Ըմպելիք (տնական գինի կամ օղի) ջուր

Փաթեթ2 Ավելուկով ճաշ (3500դրամ - 1 անձի համար)
1.Ավելուկով ճաշ
2.Տնական լավաշ
3. Տնական պանիր, կանաչի, մածուն
4.Սեզոնային աղցան(մեր բանջարանոցից)
5.Աղանդեր (տնական հալվա կամ բաղարջ)
6.Մեր այգու մրգերից, խոտաբույսերով թեյ (ուրց, դաղձ), սուրճ, ջուր
Փաթեթ3 Գյուղական հարիսա (4500դրամ - 1 անձի համար)
1.Հարիսա տնական հավի մսով
2.Տնական պանիր (2տեսակի), կանաչի
3. Սեզոնային աղցան (մեր բանջարանոցից)
4.Տնական լավաշ
5.Տնական կոմպոտ, ջուր
6. Մեր այգու մրգերից, խոտաբույսերով թեյ (ուրց, դաղձ), սուրճ, ջուր
7. Գինի

Փաթեթ4 Թեյախմություն խնձորենի հյուրատան այգում(3000դրամ - 1 անձի համար)
1.Բալի մուրաբա (մեր այգու բալենուց)
2.Ընկույզի մուրաբա (մեր այգու ընկուզենուց)
3.Խնձորի ջեմ (մեր այգու խնձորենուց)
4.Ծիրանի ջեմ(մեր այգու ծիրանենուց)
5. Սալորի ջեմ(մեր այգու սալորենուց)
6. Խոտաբույսերով թեյ (ուրց, դաղձ),

3. Apple Tree Family House (ECO)-ում էկոտուրիզմի շրջանակներում կազմակերպվում են արշավներ (սարեր, քարանձավ), պատմական զբոսաշրջություն հնագույն Հայաստանի այնպիսի պատմամշակույթային վայրեր, որտեղ արտացոլվում է առաջին քրիստոնյա ժողովրդի պատմական ու մշակույթային շունչն ու ոգին՝ Հոգեվանք, ս.Թաթևոս, Առաքելոց, Հառիճ, Վահրամաբերդ, Երերույք վանքեր և վանական համալիրներ, Գյումրի քաղաք և Զաղա քարայր:
Գները պայմանավորված են ըստ նախընտրելի վայրերի



Անցկացրեք Ձեր ընտանեկան հանգիստը Apple Tree Family House (ECO)-ում, քանի որ գեղեցիկը՝ ավելի շատ տեսանելի է հոգուն ու մտքին, քան աչքերին:
Այս հայտարարությունը դիտվել է 299 անգամ: