Հարգելի դոմինոյասեր
10.08.2011
15.06.2011
12.06.2011
2011թ. հունիսի 12–ին «5-րդ Էլեմենտ» նորաբաց սրճարանում տեղի ունեցավ ՀԴԱՖ 2-րդ բաց առաջնությունը։ Մասնակցում էին 28 դոմինոյասերներ Հայաստանի տարբեր մարզերից։ ՀԴԱՖ փոխնախագահ Արարատ Բալաբեկյանը մեկ անգամ ևս հիշեցրեց առաջնության մասնակիցներին խաղի ընթացակարգը և հայտարարեց արդեն ավանդույթ դարձած առաջնության սկիզբը: Մասնակիցների գրանցումից հետո համակարգչային վիճակահանության արդյունքում որոշվեցին մրցող զույգերը, ովքեր հրավիրվեցին զբաղեցնելու համապատասխան խաղասեղանները՝ կահավորված դոմինոյի համար հատուկ մարզագույքով։
Առաջնությունը ընթանում էր շվեյցարական մրցակարգով, 5 մրցափուլով։ Յուրաքանչյուր մրցափուլի ավարտից հետո տրվում էր 10 րոպեանոց ընդմիջում, որի ընթացքում մրցաշարի տեխնիկական հանձնաժողովը ամփոփում էր մրցափուլի արդյունքները` որոնք ցուցադրվում էին սրճարանում տեղադրված մեծ էկրանին։ Առաջնության ընթացքին հետևում էին ՀԴԱՖ 3 մրցավար։ Արդյունքում որոշվեցին ՀԴԱՖ 2-րդ բաց առաջնության հաղթողները.
1–ին հորիզոնական՝ Նորիկ Կարապետյան, ք. Երևան,
2–րդ հորիզոնական՝ Գրիգորի Ազիբեկյան, ք. Երևան,
3–րդ հորիզոնական՝ Անուշավան Թադևոսյան, ք. Երևան:
Առաջնության լուսանկարները կարող եք դիտել մեր կայքի ՊԱՏԿԵՐԱՍՐԱՀ բաժնում։
Մրցանակաբաշխության արարողությունից հետո ՀԴԱՖ խորհուրդը ընդառաջ գնալով դոմինոյասերների առաջարկություններին և ցանկություններին, առաջարկեց մասնակիցների հետ համատեղ ջանքերով ստեղծել դոմինոյի ակումբ, որտեղ բոլոր դոմինոյասերները կարող են պատրաստվել գալիք մրցաշարերին և անցկացնել իրենց ազատ ժամանակը, որը ընդունվեց մեծ խանդավառությամբ: Տարվում են աշխատանքներ ակումբի ստեղծման ուղղությամբ: Հետևողական եղեք ՀԴԱՖ պաշտոնական կայքին, որտեղ մոտ ապագայում զետեղվելու է ակումբի բացման մասին լուրը:
06.06.2011
Շարունակելով բարի ավանդույթը՝ Հայաստանի դոմինոյի ազգային ֆեդերացիան սիրով տեղեկացնում է, որ 2011թ. հունիսի 12-ին տեղի է ունենալու Հայաստանի դոմինոյի երկրորդ բաց առաջնությունը, որի արդյունքում որոշվելու է դոմինոյի 2010թ. վարկանիշային չեմպիոնը:
Բարձր հորիզոնական զբաղեցնող մասնակիցներին կտրվեն խրախուսական նվերներ, պատվոգրեր և գավաթներ: Երկրորդ բաց առաջնության ընթացակարգի վերաբերյալ մանրամասն տեղեկություններ ստանալու համար այցելեք կայքի ԸՆԹԱՑԱԿԱՐԳ բաժինը։
Առաջնությունը կանցկացվի շվեյցարական մրցակարգով սույն թվականի հունիսի 12-ին ժամը 11:00-ին «5-րդ ԷԼԵՄԵՆՏ» նորաբաց և ժամանակակից սրճարանում (Ալեք Մանուկյան 12/5 հասցեում, Արմեն Տիգրանյանի արձանի հարևանությամբ): Հայտերն ընդունվում են մինչև հունիսի 11-ը ժամը 19:00:
Գրանցվելու համար այցելեք ք. Երևան, Սայաթ-Նովա 7, հեռ. 077-99-10-00:
